12 de Xunetu de 2021
Track: Tarna (Casu) - Vega Baxu - Altu Ponga - Solafoz - Abiegos (Ponga)
L'homé propón y el monte o la meteo dispón. Nesti casu, esti paisanu, prepara unes travesíes y unos "tracks" con detallín, con posibles ascensiones, con planes A, B, C... y a la fín, la meteo y el monte, dicen que tiés que facer esto o aquello y nun hai más... toca tirar d'esperiencia y ver cual ye la meyor opción pa salir del enguedeyu.
Tamos na tercer estaya de la Travesera 2020 - 2021, coles patuques ya en forma y el banduyu enllenu del almuerzu, poro entamamos a caleyar peles cais de Tarna en Casu, non ensin antes despedinos y agradecer el bon tratu del Bar Nalón, dándonos abellugu y xinta pa facer estes travesíes.
Preparaos un día más en Tarna (1057 m)
Saldremos del pueblu y a la manzorga garraremos un camín qu'al pocu dixébrase, garrando la más direuta a la mandrecha, hasta dar con una pista nel Grayal. Equí, siguiremos comodu y guapu camín per GR, esfrutando de les vistes hacia la Peña Montobiu a la nuesa mandrecha y baxo los parés de la Xerra Tables.
Con animosa charra, diremos pasando peles distintes Paraes, primeru la d'Abaxo y dempués la d'Arriba, llugar perguapu de parés y con dalguna cabaña bien cuidada. Na parte alta, de la Parada d'Arriba, aportaremos al cruce de caminos, onde María, Mario y Charly entamarán descensu hacia la Vega Baxu, como ficiéramos va dellos años.
Simón, que tamién debe baxar hacia Pendones, dulda pero prefier continuar con nós hacia la Peñe Maciédome, oxetivu montunu del día. El nuesu camín, llévanos a percorrer el cordal de Tarna, garrándolu nel colláu Gambiteros, pa siguir hacia la Cerra d'Altu Pasu (1597 m), nun paisaxe de postal, demientres vemos como la ñube ta metía nel Altu Ponga dexándonos ensin ver res de la parte alta del Maciédome.
Paramos baxo l'enorme fayéu, nun llugar d'ensueñu que nun conocíemos, facemos alderique y ensin ver res, tenemos claro que nun vamos ascender al Maciédome y menos por llugares que nun conocemos. La opción de que Simón baxe con nós a Ventaniella y Charly lu vaya a buscar a Sobrefoz, queda descartada por mor de que nun-y dexó les llaves del coche... erru de loxística.
Na Vega Riba, continuamos per pista, mirando un pocu los mapes y les opciones posibles y enantes d'aportar a la Vega Baxu, vamos despedinos de Simón al qu'empobinamos con traquilidá hacia Pendones, teniendo nós que desvianos a la mandrecha per un senderín, qu'enllaza con un PR, xubiendo en pindies envueltes hasta'l mayáu de Bustantigu.
La verdá ye que nun teníemos nin idega de la esistencia d'esti PR, pero vínonos de luxu, continuando camín pelos puertos d'Urbiellos col envís d'enllazar cola xubida normal al Maciédome. Nesti casu, pente que'l borrín nun mos abandonaba y tanto Alberto como yo, ya xubiéramos a la peñe en más d'una ocasión, decidimos continuar hacia'l colláu Llagos, pa conocer y continuar col nuesu "track" inicial per valle de Solafoz.
Dende Llagu, daremos la vuelta a la Peña'l Quemáu y daremos vista a la fastera norte del Maciédome, sorprendiéndonos la belleza del llugar, decidiendo descender un pocu más hasta la mayada Solafoz a xintar y descansar de les casi 5 hores y media de ruta que ya llevámenos enriba.
Al igual que'l tramu de Valloseru, la belleza del tol valle Solafoz, xabaz como poco sitios, nun queda reflexada nes semeyes, cola cámara empañada, asina que sólo pueu dicir ye qu'a pesar de la lluvia continua, esfrutamos de la viesca, del verdor y de les cantidaes inxentes d'agua que cayíen del cielu, cuerrien peles riegues, pel camín... Asturies ye vida.
Caleyamos per pista pasando poles Paraes d'Abaxu y d'Arriba
Con animosa charra, diremos pasando peles distintes Paraes, primeru la d'Abaxo y dempués la d'Arriba, llugar perguapu de parés y con dalguna cabaña bien cuidada. Na parte alta, de la Parada d'Arriba, aportaremos al cruce de caminos, onde María, Mario y Charly entamarán descensu hacia la Vega Baxu, como ficiéramos va dellos años.
Dende la Parada d'Arriba siguimos hacia la Cerra d'Altu Pasu
Simón, que tamién debe baxar hacia Pendones, dulda pero prefier continuar con nós hacia la Peñe Maciédome, oxetivu montunu del día. El nuesu camín, llévanos a percorrer el cordal de Tarna, garrándolu nel colláu Gambiteros, pa siguir hacia la Cerra d'Altu Pasu (1597 m), nun paisaxe de postal, demientres vemos como la ñube ta metía nel Altu Ponga dexándonos ensin ver res de la parte alta del Maciédome.
Baxando de la Cerra d'Altu Pasu, per una pindia vallina, la ñebla va
acompañase d'un orbayar, que nos pon les coses más difíciles entá.
Parapetámonos col chubasqueru, goretex o una "manta térmica" como Simón "Astraco"
y continuamos pel cordal de Valloseru hasta la collada Valloseru.
Ablucante viesca pente Valloseru y el valle Corralín
Paramos baxo l'enorme fayéu, nun llugar d'ensueñu que nun conocíemos, facemos alderique y ensin ver res, tenemos claro que nun vamos ascender al Maciédome y menos por llugares que nun conocemos. La opción de que Simón baxe con nós a Ventaniella y Charly lu vaya a buscar a Sobrefoz, queda descartada por mor de que nun-y dexó les llaves del coche... erru de loxística.
Asina, que vamos buscar baxada hacia la Vega Baxu con él, siguiendo un track que preparara pa intentar ascender per una vallina hacia la parte alta. Siguimos el track y los h.itos penmediu la viesca y la baxada pel valle Corralín, sedrá una auténtica maraviya, siendo una pena la lluvia y les poques semeyes decentes que pudimos hacer col móvil empañáu.
Aportamos a la Vega Baxu pa entamar ascensu hacia l'Altu Ponga
Saldremos de la parte alta de la viesca, pa continuar al llau del rigu Corralín, bregando, como non, cola vexetación astur y nesti casu tamién col barru, acabaremos aportando a la Vega Riba, onde paramos un segundín a comentar el descubrimientu d'esti valle, al cual queremos tornar ensin dubia pa la Seronda.
Na Vega Riba, continuamos per pista, mirando un pocu los mapes y les opciones posibles y enantes d'aportar a la Vega Baxu, vamos despedinos de Simón al qu'empobinamos con traquilidá hacia Pendones, teniendo nós que desvianos a la mandrecha per un senderín, qu'enllaza con un PR, xubiendo en pindies envueltes hasta'l mayáu de Bustantigu.
Facemos xubida pasando per Bustantigu y pel Puertu Urbiellos
La verdá ye que nun teníemos nin idega de la esistencia d'esti PR, pero vínonos de luxu, continuando camín pelos puertos d'Urbiellos col envís d'enllazar cola xubida normal al Maciédome. Nesti casu, pente que'l borrín nun mos abandonaba y tanto Alberto como yo, ya xubiéramos a la peñe en más d'una ocasión, decidimos continuar hacia'l colláu Llagos, pa conocer y continuar col nuesu "track" inicial per valle de Solafoz.
Finamos ascensión nel Colláu Llagu onde empobinámonos hacia'l mayáu de Solafoz
Dende Llagu, daremos la vuelta a la Peña'l Quemáu y daremos vista a la fastera norte del Maciédome, sorprendiéndonos la belleza del llugar, decidiendo descender un pocu más hasta la mayada Solafoz a xintar y descansar de les casi 5 hores y media de ruta que ya llevámenos enriba.
Namái que damos vista a les cabañes, el día ciérrase enforma y entama a llover con ganes, teniendo que xintar baxo un árbol cuatru frutos secos, poner la capucha y continuar con una pingadura más qu'asegurada ya en tola baxada per Solafoz.
Baxada per Solafoz per increyible viesca hasta garrar pista hacia Calviáu
Al igual que'l tramu de Valloseru, la belleza del tol valle Solafoz, xabaz como poco sitios, nun queda reflexada nes semeyes, cola cámara empañada, asina que sólo pueu dicir ye qu'a pesar de la lluvia continua, esfrutamos de la viesca, del verdor y de les cantidaes inxentes d'agua que cayíen del cielu, cuerrien peles riegues, pel camín... Asturies ye vida.
Con tol cuerpu moyáu y los pies como truches, aportaremos a una pista, al altor del monte La Porquera y ya tendremos un camín, más agradable en pelín de xubida, dexando de dar saltos pente les riegues, el barru y les peñes moyaes, hasta'l colláu Calviáu, onde continúa la pista que baxa hacia'l rigu Ponga dando un pelín de vuelta, decidiendo baxar direutos a Sobrefoz pela cueva La Llosa.
Aportamos a Sobrefoz con una pingadura de llibru
Dalgo más tomada que la pista, esta baxada amúesanos vistes de Sobrefoz bien guapes y de pasu, visitamos la cuevina xustu enriba'l pueblu. Aportamos a Sobrefoz, onde cualesquier otru día, pararíemos a tomar dalgo, pero tan sólo queremos caleyar pa quitar la ropa moyada y danos una ducha calentina.
Pa ello, garraremos el PR del Valle del Ponga, el cual percorreremos esfrutando de la muncha agua que tenemos nesta dómina del añu y tornaremos a la carretera en Llendelestosu, pa facer los últimos kilómetros per asfaltu hasta arribar al pueblín d'Abiegos, onde teníemos refuxu nel Bar-Tienda El Cascayu.
Tramu perguapu pente Sobrefoz y Abiegos pel valle'l Ponga
Pa ello, garraremos el PR del Valle del Ponga, el cual percorreremos esfrutando de la muncha agua que tenemos nesta dómina del añu y tornaremos a la carretera en Llendelestosu, pa facer los últimos kilómetros per asfaltu hasta arribar al pueblín d'Abiegos, onde teníemos refuxu nel Bar-Tienda El Cascayu.
La ducha más que merecida y la cena calentina al llau de la chimenea fízonos descansar un pocu'l cuerpu magar de sofrir los bastiazos del Ñuberu, nos 22 kms de percorríu, nel que superamos un desnivel positivu de 1370 m y un negativu de 1855 m en casi 9 hores y media de ruta.
Camudando'l Camín peles viesques de Ponga
No hay comentarios:
Publicar un comentario