lunes, 27 de abril de 2020

Gobezanes (Casu) - Peña Busllar - Prieres (Casu)

7 de Marzu de 2020

Track: Gobezanes (Casu) - Peña Busllar - Prieres (Casu)


Siguimos col aportar de la primavera, nun añu de poca carga de ñeve nos montes, munchos díes de sol y l'amenaza ya bien presente del coronavirus. Nesti día, teníemos una ventanina de bon tiempu pal sábadu, poro decidimos facer una ruta qu'entrase nel intervalu que manexábemos y como non, tornar pel parque natural de Reres siempre ye perbona opción.

Salida del grupu dende Gobezanes (627 m)

jueves, 23 de abril de 2020

Les Cuerries (Ponga) - La Crespa - Tarañes (Ponga)

1 Marzu de 2020

Track: Les Cuerries (Ponga) - La Crespa - Tarañes (Ponga)



Cuantayá que tenía ganes de conocer l'escobiu Les Cuerries en Ponga, cuantos reportaxes miraos, cuantes crítiques al cartelu de "ruta turística", camiento que camudáu pol "accesu y ruta mui peligroses" d'anguaño, jeje y a la fín decidime a facer la travesía pente Les Cuerries y Tarañes, camentando que diba ser una llucha xabaz colos ellementos y la ñatura.

Asina que, tamos preparaos pa caleyar pocu más allá de les 10 de la mañana nel PK 10 de la As-261, ye dicir na mecedura del rigu Les Cuerries col Ponga, onde hai un pequeñu apartaderu onde malpenes entren un par de coches. Atrás quedó, l'almuerzu en Cangues y la loxística pa mover una furgo hasta'l pueblu ponguetu de Tarañes onde daremos por finada la ruta.

Salimos dende la mecedura del rigu Les Cuerries (294 m) col Ponga

lunes, 20 de abril de 2020

Ruayer (Ayer) - Pena Reonda

9 Febreru de 2020

Track: Ruayer (Ayer) - Pena Reonda



Magar de sopesar les distintes posibilidaes pa dir de monte y viendo que llibrábemos meyor pa la fastera central, que pal oriente onde teníemos tamién dalguna ruta nel tinteru, decidimos tornar, varios años dempués, a ascender a la Pena Reonda.

Esta vegada, queríemos xubila dende Ruayer, a la escontra de les mítiques ascensiones dende'l Pino y ye que tamién facía años que nun visitábemos esti preciosu valle, más en concretu dende una ivernal a la Fitona nun preciosu día, non como'l que nos ocupa nel intre.

Partimos de Ruayer (820 m) col día pelín murniu

jueves, 16 de abril de 2020

Pendilla (Los Argüeyos) - Picu Tresconceyos

26 de Xineru de 2020

Track: Pendilla (Los Argüeyos) - Picu Tresconceyos


Primer ruta del 2020 y magar d'una ñevadina dalgo curiosa, decidimos da-y un intentu a dalgunos dosmiles del conceyu d'Ayer qu'entá quedábenme per ascender. Los díes son curtios enforma asina que desdexamos l'averamientu dende Asturies y averámonos hasta Llión, pa entrar a la fastera d'Arbas pel puertu Payares, tomando como puntu de salida el pueblu de Pendilla a 1315 m.

Día perfríu na salida dende Pendilla (1315 m)

lunes, 13 de abril de 2020

San Xuan (Ponga) - Valle del Ponga

21 d'Avientu de 2019

Track: San Xuan (Ponga) - Valle del Ponga


Ún día más, la meteo nun ye pa tirar volaores, pero toca salir a dar un patéu enantes de qu'aportare un temporal pa la fín del día. Poro, tocaba restolar pente la carpetina de rutes pendientes y cosiquines a conocer p'algamar una rutina que nos diera pa xintar un menú del día y cellebrar la fín d'añu pal grupu de monte.

Nun mos xuntamos munchos, pero fuimos hasta Ponga con bien de ganes, ya que va más de dos temporaes que nun andábemos per esti guapu conceyu montañeru. Pasaes les 10 de la mañana, aportamos a San Xuan, capital del conceyu y coles grandioses vistes del picu Tiatordos entamaremos a caleyar.

Salimos a pasiar dende San Xuan (730 m)

viernes, 10 de abril de 2020

Oneta (Villayón) - Firvias d'Oneta

30 de Payares de 2019

Track: Oneta (Villayón) - Firvias d'Oneta


Continuamos col mes de Payares nesti pequeñu infiernu de meteo, na que nun vimos más que llover teniendo mui pocos díes de sol nos meses d'Ochobre y Payares. Esti finde, teníemos una pequeña ventana pal occidente y díbemos intentar aprovechalu averándonos hasta'l conceyu de Villayón.

Partimos del pueblu d'Oneta (247 m) en Villayón

martes, 7 de abril de 2020

L'Azorera (Tinéu) - Pena Filera

24 de Payares de 2019

Track: L'Azorera (Tinéu) - Pena Filera


Un día más d'esta seronda pasada per agua, intentamos camudar el xeitu de viesca colloría pel monocollor de la ñeve. Pa ello, magar d'una ñevadina curiosa, decidimos escapar hacia la cota más alta de Tinéu, na llende col conceyu somedán que tanto visitamos nel X Aniversariu del GM Xuan de la Borrina.

Averarémonos entós, hasta'l guapu valle de Tuña, pueblu tinetense conocíu por ser llugar de ñacimientu del xeneral Riego, pa siguir carretera alantre hasta Xinestaza, tamién perconocíu pela so fana, que ye un accidente xeolóxicu ñatural pel que la Pena'l Diente argaya per tola vallina abaxo col pasu los años.

Equipín preparáu pa salir a patiar dende L'Azorera (790 m)

domingo, 5 de abril de 2020

Arbichales (Somiedu) - Güergola - Pena Prieta - Arroxos - Saliencia (Somiedu)

2 de Payares de 2019

Track: Arbichales (Somiedu) - Güergola - Pena Prieta - Arroxos - Saliencia (Somiedu)


Continuamos cellebrando'l Décimu Aniversariu del GM Xuan de la Borrina y magar de moyanos enforma na ruta al Altu'l Vildéu güei alborecíemos con un día ñublu pero ensin precipitaciones, poro les ganes de patiar y esfrutar del monte yeren munches.

Magar del bon almuerzu, preparámonos col material ya insertámonos nun par de coches como podemos, col envís d'averanos hasta'l cercanu pueblu d'Arbichales onde queremos entamar la nuesa travesía. Ésta, va llevanos dende Arbichales hasta Saliencia, conociendo dos foces, varias brañes y ascendiendo a la Pena Prieta que ya ficiéramos va delles temporaes.

Preparaos n'Arbichales (1031 m) pa salir al monte