Track: Oneta (Villayón) - Firvias d'Oneta
Continuamos col mes de Payares nesti pequeñu infiernu de meteo, na que nun vimos más que llover teniendo mui pocos díes de sol nos meses d'Ochobre y Payares. Esti finde, teníemos una pequeña ventana pal occidente y díbemos intentar aprovechalu averándonos hasta'l conceyu de Villayón.
Partimos del pueblu d'Oneta (247 m) en Villayón
La ruta escoyida yera conocer las firvias del rigu Oneta, clásica senderista del occidente astur y de pasu, ascender a los altos del conceyu vecín de Navia. Magar del almuerzu en Navia, saldríemos en direición Oneta nun guapu conducir pel banzáu d'Arbón penriba, col día, nel intre, rellumante de sol anque pelín fresquete.
Nun agradable paseín aportamos a la Firvia
Aparcamos nel guapu, anque desiertu pueblu d'Oneta y caleyamos per pista pente cultivos hasta averanos al calce del rigu Oneta. Esti rigu, ta formáu peles riegues de Brañúes y el Segredal, ñaciendo la primera na base del Picu'l Can, máxima cota del conceyu de Navia.
Kíla a lo suyu... esfrutando del bañín na Firvia
Nun descensu tranquilu, aportaremos a la primer fervienza, nomada la Firvia, nome dau nestos llares pa les cayíes d'augua. Poro, nomar cascada de la Firvia, al igual que cascada del Tabayón ye una estupidez tala como sólo se pue dar nos intentos d'acastellanizar tou nesta Asturies.
Siguimos el paséu hasta la Firvia d'Abaxu
Esfrutaremos del paseín, visitando los molinos qu'alcontramos del camín y magar de les semeyes na primer fervienza descendemos un pocu más a ver la segunda firvia, na que tamién pararemos un ratu, ya que tamos nuna dómina del añu, na que'l caudal ye ablucante y la belleza del llugar pergrande en comparanza con dómines más seques.
Benjamín a lo suyo tamién... al posturéu
A partir d'equí, ya se nos fué torciendo tola previsión que teníemos pal restu del día, ya que nun pudiemos cruciar más abaxo el rigu Oneta p'algamar la tercer firvia y magar de perder un tiempu preciosu, cuando quiximos volver al pueblu p'ascender hacia la sierra'l Segredal al altor de Brañúas, metiósenos una ñube que fízonos escaceer la continuidá de la ruta dando por finada ésta.
En resume, llugar pernecesariu de conocer, anque camiento que volveré con intenciones un pelín correnderes pa completar una ruta curiosa que me faiga conocoer meyor toa esta fastera, anque hai que dicir que sólo visitar les ferviences paga la pena pa pasar una mañana, siendo de xuru unes dos hores pudiendo visitar les 3 firvies.
Camudando'l Camín pel occidente astur
No hay comentarios:
Publicar un comentario