Fresno de Caracena (Tierras del Burgo) - La Capilla

 7 d'Agostu de 2023

Track: Fresno de Caracena (Tierras del Burgo) - La Capilla

Pues si en Soria, durante la carrera en Cuevas de Soria fastidiárame'l labrum de la cadera, anque ya venía d'atrás por sobrecarga, tocaba volver a dar un pateín nos díes de vacaciones que pasé per Soria, como tolos años. Sabiendo lo que tengo, con una artrosis de cadera avanzada y el labrum roto, veremos hasta onde podemos llegar, pero estos díes, el cuerpu pedíame volver a caleyar pel monte, anque fuera monte modestu como ye'l sorianu d'esta fastera de Tierras del Burgo.

 

Madrugaremos un pelín pa tar en Fresno de Caracena (946 m)

Asina, qu'averámonos hasta Fresno de Caracena, a pocos kilómetros del nuesu pueblu Recuerda, onde ya llegáremos nuna guapa ruta en bicicleta y esta vegada, dexaremos la furgo, pelín más allá de la ermita de la Virgen de la Soledad, pegáu a la puente sol ríu Tiermes, onde garraremos una pista n'ascensu, con vistes a los altos que vamos conocer nesta rutina.

 

Ascendemos per camín de Santiago hacia los altos de la Capilla

De primeres caleyaremos per pista, que sigue ruta hacia'l Camín de Santiago, pelo que sedría l'antiguu camín de la Lana pente Fresno y San Esteban de Gormaz. Nel intre, de ver el cartel del camín, nós dexaremos esta pista principal pa tomar otru camín a la esquierda que tien de llevanos hacia los corrales de la Muela.

Ascensu a la Capilla (1099 m) puntu cimeru de los Altos de la Muela

Al pasu pel primer de los corrales, siguiremos camín per varies envueltes que ya van metenos nos Altos de la Muela, onde caleyaremos pente exemplares de sabinas y enebros, hasta ver el vértice xeodésicu de la Capilla (1099 m) onde facemos "cumal" de la nuesa ruta, algamando vistes al Sistema Central, col Pico Lobo, como másimu esponente del paisaxe.

 

Descendemos de los Altos de la Muela hacia'l camino de la Pradereja

El día paez que calienta y mi cadera nun ta pa munchos trotes, ya que siento sobrecarga nel piramidal, asina que vamos baxar a pinchu, per tarrén cenciellu dende la Capilla, a la otra fastera de los corrales de la Muela, garrando un valle que pasa al llau d'otru corral, hasta dar col camín de la Pradereja, que tien d'empobinanos hacia'l ríu Tiermes, onde atoparemos una casona remocicada, que paezme yera molín antaño.

 

 

Quédanos esfrutar d'una pequeña foz pel ríu Tiermes hasta aportar de nuevu al entamu

Equí siguiremos per otru camín, que va metenos nuna pequeña foz al llau del ríu Tiermes, onde ya tuviera va tiempu mirando los parés d'ambes veres del ríu, sorprendiendo un bombu desplomáu a la mandrecha, con roca pelín feble a simple vista y otru muru onde avístense con facilidá delles utres, asina que tampocu yera d'interés escalador.

Con pocu más, aportaremos de nuevu a la furgo, llueu d'un pateín de hora y media con +/- 150 metros de desnivel acumuláu nos 7 km de percorríu pela redolada d'esti pueblín de Fresno de Caracena, nel que tamién tien interés dar un paséu pela Foz del Ríu Caracena hacia'l banzáu de Vildé.

Paisaxe típicu sorianu con vistes al Sistema Central