20 de Payares de 2022
Track: Trail de Salas
Web del Trail: Salas - Virxen del Visu
Clasificaciones: Clasificaciones 2022
Continuamos cola motivación por correr pel monte, entrando ya, na dómina l'añu más ivernal, onde apaecen pel calendariu carreres más curties, más afayaices pal tiempu fríu o lluviosu y onde tar munches hores corriendo nun ye lo más apetecible.
D'esti xeitu, apuntábame per primer vegada al Trail de Salas, que percorre tola falder del monte Visu, onde asítiase una ermita cola virxen. La carrera de 13 km, parte d'esti guapu pueblu, que nun tenía la suerte de conocer, lo qu'indícame a les clares, que debemos afondar más nel monte suroccidental y poner en valor esta fastera asturiana.
Gran ambiente pel pueblu, dende bien ceo, con xente recoyendo'l dorsal, caleciendo músculos o tomando un cafetín tranquilu como solemos facer nós. Llueu, preparámonos y aportamos a la meta saludando a munchos conocíos, cola idega de facer la mió carrera, esperando que'l día anterior de monte pel cordal de L.longalendo nun se notara muncho.
Nun fue así y salimos a bon ritmu tola parte correndera hasta'l tabayón de Nonaya, pa entamar una xubida, tamién, a tramos correndera y otros más pindia hasta la Peñallonga, onde llaniaremos un pelín y tendremos per delantre la baxada más rápida que tengo alcordanza, na que doi tolo que tengo, con varies patinaes pel barru incluyíes.
Blog bien prestosu (ye daquè da fheitho nada, nada, freqüente), curiau & bien fheithu. Ps: allerta cun læs ènclisys & pròclisys, los pronomes unæs poucæs de vegadæs bæillen. Ref. https://asturianu-asturleones.com/7-pronomes/. Saludu & continùa, porfa.
ResponderEliminarMil gracies pol comentariu. Un abrazu
Eliminar