Como l'iviernu nun quería aportar a les Asturies, tiramos pa Llión a una guapa escuelina na qu'asoleyar fino y trepar con tranquilidá. Asina que tiramos hasta Redipollos en Liyo, onde tuviera va más d'un añu conociendo la escuela.
Vicen estrenando reversu pa rapelar
Esta vegada xuntámonos un bon garrapiellu xente, con muncho "novatu", poro'l llugar yera l'indicáu col seutor de los Guajes onde nun pasen les víes de V casi. D'esti xeitu, tuviemos tol día turnándonos vía tres vía hasta dempués del bocata cuanda pasámonos al seutor d'al llau Violet Carson.
Richar nun día brutal trepando con bones víes a vista
Tampoco ye qu'apretáremos a morrer nin muncho menos, pero diónos pa conocer un par de V+ nuevos pal currículum ún d'ellos de placa con un pasín que fizo les delicies del respetable. Como anéudota, dicir que me comí con patatines un 6a+ de placa que dióme a entender que cuando hai que ser especialista n'adherencia llionesa ye por dalgo...
Tornaremos... con más fuercia y ganes
Redipollos (Seutores visitaos)
Croquis modificaos por mi de la escuela d'escalada de Redipollos, por mor del C. D. El Local de "El Húmedo" y amosáu en Infoescalada. Gracies y col so permisu.
3 d'Agostu de 2014
Primer visita a esta escuela llionesa onde'l cenciellu grau de munches de les sos víes y la so bona situación y pié de vía, son cálteres imposibles de desdexar a la hora d'escoyer onde pasar un día cuando n'Asturies nun seya posible dir a trepar.
Paséu sele hasta'l pié de vía... suañu de cualesquier esguilador
L'entornu, al llau del ríu Porma y baxo la solombra de la mole del Picu Susarón, danos tolo necesariu pa llevar bocata, manta y lo que faiga falta. Aparte, nel día que tuviemos, la tranquilidá y víes con un abanicu de graos pregrande aunmenten si cabe les ganes de tornar per ellí.
Metémonos dafechu nel seutor los Guah.es onde esfrutamos como tal
No deportivo, tuviemos como siempre de primer visita y nun pasamos nin al V grau jeje. Poro, turnándonos de primeru pasamos tol día de vía en vía, faciendo un total de 8 víes a vista yo y otres 7 Paulina.
Con vistes al picu Susarón trepamos hasta la hora de xintar
La primer parte del día, tuviemos nel seutor nos Guah.es con 6 víes y magar de la xinta, fízose pelín más sufríu aguantar la temperatura y namái que trepamos un par de cuartos nun diedru, enantes d'abandonanos al fresco de les cerveces del pueblu de Redipollos.
El calor faise insoportable y toca recoyer los trastos
En resume... llugar perafayaizu pa tolos públicos y onde tamos naguando por volver.
Los croquis que figuran la pagina de Infoescalada se obtuvieron del perfil de Facebook de C. D. El Local de "El Húmedo", precursor y parocinador del equipamiento de la zona, "Al Cesar lo que es del Cesar y a Dios lo que es de Dios".
ResponderEliminarUn saludo y esperamos veros pronto a pie de vía...
Vale bien... mil gracies pol comentariu. Ties razón, yo ye la única páxina que conozo de "gratis" con croquis y por eso nómbrola, pero como bien dices... "Al Cesar lo que es del Cesar". Agora mesmu, pongo la referencia.
ResponderEliminarPor ciertu, volvió a equipase el sector de los Guajes??? Ye que lleí, que dalgún desalmáu desequipara tol sector... :(
Un saludín
Las chapas robadas del sector "Los guajes" fueron repuestas y se les dio una gota de sika, a modo de antirrobo casero, esperemos que funciones y que a nadie se le ocurra volver a coger lo que no es suyo.
EliminarUn saludo.
Bufff, coses que nunca entenderé... ta pasando dalgo paecíu na Manzanena cerca d'Uviéu... robando chapes de víes d'iniciación.
EliminarEn fin... un saludu y gracies pol trabayu y la info