Branu 2026
Otru branu intensu nel valle de Morcín, tando mui ocupaos los distintos equipos d'equipadores de Morcín, caún nes sos zones, teniendo grandes avances esti añu la Peña Garcilleru, siendo un polvorín de xente nos meses de branu, tanto nos seutores ya esistentes como los de Porrimán, como nel valle contiguu onde abriose un nuevu seutor como ye'l del Rotellón, baxo la ya perconocida Cueva Cabrera, onde tamién hubo grandes avances, tanto n'equipación de víes nueves como de reequipación y encadenes de víes escacíes dende va bon tiempu.
Pela mió parte, averéme pel Rotellón en delles visites, enantes de qu'espublizárense los croquis nel MoNa y espardiérense pente los escaladores llocales, corriendo como la pólvora y pudiendo encadenar un par de 7as duretes, probando dalguna vía más dura, ensin motivame lo suficiente pa tornar con cierta asiduidá, tando mui centráu n'equipar y probar mis víes pela Covarriella.
Poro, pendiente tenemos munches visites pa siguir faciendo dalguna vía más
Los croquis de la Peña Garcilleru tenéislos pa consultar, allugaos nel chigre MoNa en Llugar de Riba onde podéis collaborar colos equipadores de Morcín (Club Asturvertical, GM Xuan de la Borrina,...).
---------------------------------------------------------
No hay comentarios:
Publicar un comentario