Castroviejo (Pinares) - Peñas Claras - Fuentes del Duero

30 de Marzu de 2025

Track: Castroviejo (Pinares) - Peñas Claras - Fuentes del Duero

Continuamos esfrutando d'esta selmana santa deportiva, saliendo por segundu dia consecutivu a patear peles tierres sorianes, yéndonos tola familia hasta la comarca de Pinares, onde'l día anterior conociéramos la sierra del Umbriazo y nesta ocasión vamos volver hacia la sierra d'Urbión, col envís de conocer l'ascensión dende la fastera de Castroviejo.

Dende esti guapu llugar na faldera la sierra l'Urbión ya saliéramos va dellos años a ascender al Muñalba y Tres Provincias , tando d'aquella, ensin pervertir tolos bloques de granito de Castroviejo, teniendo nel intre, una infraestructura xabaz pa que tola dominguerada xúbase a los bloques a una especie de mirador hacia nun se onde, supongo que dando vistes a tolos pinares.

Partimos hacia la parte alta dende les inmediaciones de Castroviejo (1542 m)

 Escapamos de la xente y salimos primero per carretera y llueu pista, hacia'l refuxu del Berro, viendo como la mayoría la xente xube y baxa en coche pela pista, siguiendo nós a lo nuesu, hacia'l siguiente refuxu más alto entá, como ye'l del Bunker, onde ya sí termínase la pista, cruciándonos con dellos senderistes. Nesti puntu, penriba'l Bunker, decidimos ascender pel senderu de Peñas Claras, teniendo qu'andar fino, pa siguir los h.itos y la traza de senderu, ya que tol mundiu xube direutos hacia l'Urbión y Fuentes del Duero.

Ascendemos hacia'l refuxu del Berro y dempués al Bunker pa siguir hacia Peñas Claras

 Nós fuimos esfrutando de buscar senderos, pente les riegues y la viesca, saliendo a la parte alta onde'l monte baxo, tomó la delantera, pudiendo avanzar más apriesa al ver los morrillos de granitu enriba nuesa, viendo tamién que la meteo, taba entamando a ponese gafa con ñubes prietes y un vientu perfríu, que facia que tuviésemos que llevar puesto tola ropa que llevábemos enriba.

Salimos a zona despeyada y a continuación hacia Peñas Claras onde atopamos munchu vientu y friu

Sicasí, continuamos ascendiendo, pero personalmente diba esmolecíu polos nenos, ya que taba poniéndose un pocu estremu pa siguir, poro travesamos tolas Peñas Claras, per pasos pente la ñeve y el granito bien guapos y dimos al llugar más guapu del día, teniendo vistes a la llaguna d'Urbión, dafechu xelada y al picu Urbión, bien cerquina nuesa, dándonos por tranquilos cola ruta que llevábemos enriba y ye que teníemos una ñube prieta enriba'l Muñalba y venía hacia nós, a un ritmu que convidaba a descender.

Esfrutamos de les vistes a la llaguna d'Urbión y al Picu Urbión decidiendo descender

Col tranquilu pensamientu, de nun siguir y escapar del posible torbón, garramos una vallina previa a la faldera del Urbión y echámonos abaxo, teniendo tramos de ñeve, na que los guah.es esfrutaron un montón y ye que la sensación térmica lloñe del vientu, yera muncho más agradable, pero ya díbemos moyaos y con fríu toos, asi que garramos la senda que vien dende'l ñacimientu del Dueru y fuimos descendiendo ya con más calma.

 

Descendemos pel percorríu que vien dende L'Urbión y ñacimientu del Duero hasta'l Bunker

D'esti xeitu, baxaremos allegres adelantando a varios montañeros, siempre col Duero a la nuesa manzorga así como la cresta del Rasón, qu'acompañarános hasta adientranos de nuevu nel pinar, siguiendo siempre fácilmente les marques del GR hasta'l bunker onde decidimos parar nun bancu a xintar un pinchín, ya que nun paráremos nin un minutu por mor de l'amenacia del día.

Col estómagu enllenu, ya volvimos a descender pela pista tranquilamente hasta'l Berro primeru y llueu hasta Castroviejo, onde piesllábemos los 13 km de percorríu, con +/-645 m de desnivel acumuláu, nun total de pocu más de 4 hores, lo que ya nos dió pa esfrutar d'unos torreznos en Covaleda.