6 de Payares de 2021 y 30 d'Abril de 2022
Tornábemos a Las Llucias, llueu d'una visita pelín infructuosa a finales del 2021, onde probáremos per primer vegada, El Velcro, un 7b en tola so dimensión, qu'asegura una escalada finísima nun pañu con una calidá de roca superior.
Esi día, metíerame nun 6c o así, dalgo húmedu que terminara por desesperame y desgatar yemes ensin xacíu y los pegues al Velcro fueren de too menos bonos, asína que col rabu pente les pates, coláremos de la escuela, ensin llevar nin una vía pal bolsiellu.
El puente del 1 de Mayu, dexamos de trabayar nes nueses ocupaciones profesionales y tiramos un bon garrapiellu de collacios hasta Cabrales, col envís de visitar delles escueles, pero a la fín, ficimos una visita de sábadu a las Llucias y el restu los díes, anduvimos apretando en Po.
El día, fresquín de primeres foi tornándose más y más calurosu, teniendo unes hores centrales, nes que yera casi imposible trepar. Enantes, montara Anna, un gran oxetivu como yera'l Velcro (7b), probándola dempués yo, viendo que col deu con esparadrapu por mor d'un siete que ficiérame en Villanueva de Xueves, diba ser imposibledar pegues decentes.
Pela mió parte, llueu de flashear Cabeza Nido (7a) a Suco e Iso, animéme a dar un últimu pegue, pringando casi na placa y saliendo ya hasta cadena ensin mayores problemes. Dicir que ye un 7a más sele que Cortejo Masivo, que podría averase al 7a+, pero paga la pena igualmente sofrir na placa pa esfrutar de la parte superior de la vía.
Agora ya sólo queda tornar a la escuela, con yemes y ganes d'escalar finu nel Velcro.
Croquis de Las Llucias por mor del trabayu del guía de montaña Juan Luis Guilluy, los collacios Pepa y Jose, Edu. Gracies y col so permisu.
18, 19 de Setiembre 2021
Finde cabraliegu, una vegada más y ye que fueron ya, delles vegaes les que decidimos venir esti branu hasta Cabrales y la so redolada a esguilar. Nesti finde, díbemos centrar un par d'oxetivos claros, conocer la nueva escuela de las Llucias en Carreña y terminar cola escuelina de Las Cabadas, que ya diba siendo hora.Siempre con amenacia de tormenta a la tarde, xubimos tanto'l sábadu como'l domingu hasta Las Llucias, caleyando con calma nel so prestosu accesu. Prestosu, cuando nun ties que baxar a por Kíla hasta Carreña, porque-y dió por llargase pa la furgoneta y volver a xubir... coses de perra vieya.
El primer día, xubimos a la segunda aguya los tres (Andre, Anna y yo), probando'l 6a+, 6b y un 6c+ atómicu de nome, Sodomizáu en Covadonga. Nun quiero saber que-yos pasó a los equipadores colos cures u hosteleros de la zona.
Nun mos dió tiempu a más nel finde, ya que la lluvia siempre apaeció de tarde, asina que dempués de baxar a Carreña a por Kíla y volver a xubir, metí-y un segundu pegue a Cortejo Masivo, encadenándola al corte dafechu, pero esfrutándola una barbaridá.
No hay comentarios:
Publicar un comentario