Como ya comenté na entrada de la visitina a la escuela de Cuevas, otru añu más pal día d'Asturies, desplazábemosnos hasta Llión col envís d'esguilar al solete y asegurar el bon tiempu. Pero una cosa ye trepar al sol y otra pasase tres pueblos, asína que nuestru primer día al sol en Fuentes de Peñacorada, fue un pocu escesivu en cuanto a solana.
La solana casi acaba col grupu... anque dalgunos teníen ayuda
Andábemos col equipín pelín tocáu, con Jose d'un hombru y Jenny del tobiellu, poro namái qu'anduvímos esguilando Anna y yo, per un llau y per otru Haritz y Pepa, con dalguna escalada de Jose pa probar l'hombru, sobretou en placa d'adherencia onde nun tuviese qu'apalancar del brazu.
L'atapecer dexaba semeyes guapes
La idega yera clara, llimpiar el seutor de les Plaques, que ya-y metira un bon repasu fai un par d'años, pero entramos a 4 víes nueves a la mandrecha del tou que nun sabíemos nin el grau y lleváronmos un pelín más de lo camentáu y cola tosta del sol, decidimos camudar de seutor namás que finamos esi mini seutorín colgáu so la carretera.
Finábemos el día per Cistierna... tomando dalgo
De tarde con dalgo más de solombra, metímonos nun seutor penriba de Conjunción de Venus, con unes 7 víes que fuimos a fulminar, ensín que pasasen del 6a aprox, siendo la meyor d'elles dos víes más llargues a la manzorga'l seutor.
Col día fechu, tocaba tirar a Cistierna, que yeren les fiestes, pero quedámonos coles pizzes d'un chigre pelín estrañu, porque lo que yera la orquesta fue tan infumable que decidimos colar de vuelta pa Boñar pa durmir tranquilinos jeje.
Fuentes de Peñacorada (Seutores visitaos)
Croquis modificaos por mi de la escuela d'escalada de Fuentes de Peñacorada, por mor del InfoEscalada. Gracies y col so permisu.
-----------------------------------------------------------------------
8 de Setiembre de 2017
Lo típicu de munchos día d'Asturies, pa munchos asturianos ye colar pa Llión, si tenemos meyor tiempu, si coincídenos con un puente,... o simplemente porque les fiestes relixoses te la traen fresca y nun coincides en qu'esi día tenga de ser el día de la Nación Asturiana.
Seutor Placas en Fuentes de Peñacorada
Pa onde tirar? Pues teníemos ganes de folixa tranqui en plan acampaos, asina que tiramos de campu base en Boñar y d'ellí a movese pela redolada con tola tranquilidá. El primer día, averámonos hasta la escuela d'escalada de Fuentes de Peñacorada, la cual tien dellos seutores dixebraos na vega'l regueru de Fuentes.
Momentos trepando nesta placona tan prestosa
Nel nuesu casu, tuviemos trepando nel seutor Placas, con un temperatura afayaiza pesie a ser la plancha caliza de direición sur. La verdá ye qu'anque nun pase de 6a+ tol seutor, toles víes ya seyan de cuartu, quintu o sestu, faen esguilar bien, na típica adherencia llionesa que tanto trabayu da a los escaladores más de fuercia y pocu pisar.
Jose nun pasu increyíblemente guapu de placa
Con ganes de facer otra visitina, intentaremos tornar lo más ceo posible, pa finiquitar esti seutor, nel que nos fuimos con 13 víes del total de 28 y mui posiblemente con ganes de conocer dalgún otru más vertical y que faiga camudar un pelín el xeitu trepador.
No hay comentarios:
Publicar un comentario