Rocódromu del Quirinal (Avilés)

Hestoria nel rocódromu del Quirinal

Pues na, a falta de roca, habrá qu'entrenar nel roco y aprovechando que Pau trabaya n'Avilés y que tien esti bulder a man pa entrenar a mediu día, decidimos dir a pasar una mañana per ellí y conocelu.

Perguapa la sala de bulder del Quirinal

Así qu'un sábadu de mañana plantámonos ellí y pa sudar un ratín, y ye qu'estes sales cerraes son una auténtica sauna. Magar de 5 minutinos, calentando ya lleves una sudada de les buenes, pero al empar son tan divertíes que nun yes capaz de parar de prebar bloques y más bloques.

Hai de too, ensín desplome y mui desplomáu

Esti añu, col ERE que ERE que metíeronme nel curro, nun voi visitar muncho los rocódromos, ya que vamos intentar camudar los xeitos d'entrenu. Así qu'intentaré lo menos posible dexar de dir a la roca nel iviernu, y lo demás vamos dexalo col ximnasiu a ver que tal nos va.

Apretando nel máximu desplome

En realidá, pesie a ponerte mui fuerte nel tablón, acaben resintiéndose munchísimo los deos y siempre al final del horariu de xornada partida, tanto entrenu en Llugones, acababa pasando factura y ya nin l'alcohol de romeru, nin na pol estilu, yera a quitar los dolores capsulares nos deos.

Natalia probando un bloque

Poro, díes sueltos sí, pero esti añu, el vezu de tres o cuatru díes pola selmana, apretando nel roco, va ser dalgo que voi intentar evitar. Visto lo visto, los máximos graos, tanto a vista como entrenáu, acaben llegando a base de da-y a la roca los máximos díes posibles y los fechos remítome.

Poniendo un bloque nun techu

Ensín más, guapa sala de bloque, onde poder dir a pasar un ratín colos collacios, poner problemes de tolos tipos y colar d'ellí a tomar el vermú, con una sudada como si corriésemos una maratón polo menos...