lunes, 4 de mayo de 2009

MTB: Mi nueva arma deportiva

Al fin..., ya taba yo con ganes de meteme nuna nueva estaya deportiva, como yera'l mountain bike o mtb, paezme que nómase agora más modernamente. Y ente les ganes que tenía y tamién la necesidá quiciás de poder moveme, darréu de nun tener vehículu de tracción a les 4 ruedes, pues agora tengo vehículu de tracción a dos pates y dos ruedes que facer rodar.



El subi en semi-paru por incompetencia del so dueñu

Así que, como siempre, ensín pensar les coses demasiáu, dalgo que me carauteriza fonderamente, pues merqué una bici de montaña. Camudo mi Subaru Impreza por una BH A58 K, jeje nun ye un bon cambéu, pero bono ye lo qu'hai, y hasta dientru d'un añín, va tar el probe en retiru espiritual.




Ehí toi con ella dempués d'una ruta

Asína que ya tengo nueva arma, pa pegáme unes bones sobes na bici, por Asturies, percorriendo caleyos y sendes perende. Tenía ganes de dalgo decentuco asína que ye un pelín cara, pero bono tien delles coses prestoses, frenos de discu hidráulicos, bloquéu d'amortiguador delanteru nel manillar, pedales automáticos y tolos ellementos de bona marca como ye shimano y fsa.



Más detalles y guarrería del primer contautu

Nun soi nengún especialista, poro si quies mercar dalgo decente déxate aconseyar por dalguien que sepa y t'eche un gabitu a la hora d'escoyer, sinon al final, gastes delles perres menos, pero quedes menos agustu que la ostia y arrepentíu de nun garrar dalgo meyor.

Asína que gasté perres pero dempués de probala y meteme una soba perimportante, que ya detallaré na prósima entrada, tengo que decir que toi contento de la merca que fice, y que me paez que cuando me dexe de doler, lo que vien siendo'l culu, polos 90 km de rodar, bien prontu diré a probar dalguna xubidina por pistes de tierra.

2 comentarios:

  1. Berto pa Deva y Peón paezme que pues dir por caleyes de grijo y tierra. Va muncha xente los fines de semana. Dixeronme que desde Peón pues subir al fario y volver por la vieya de Pola. En riuseco de valdornón y de caldones tien que haber tamién, asina como en deva.
    Supongo que pal monte Areo tamién tengas la de dios de caleyos.

    ResponderEliminar
  2. Tomo nota. Miraré a ver si saco dalgo d'info pa dir rabilar pela zona

    ResponderEliminar