miércoles, 18 de julio de 2012

Travesera Picos 2011 - 2012

Del 7 al 10 de Xunetu de 2012 

Track: Travesera Picos 2011 -2012

Tercer travesera integral de Picos del GM Xuan de la Borrina y como siempre siguimos sorprendiéndonos con esti macizu montañosu, ya qu'anque camentábemos que nun diba ser tan dura como les anteriores... al final, foron les kilometraes a la escontra de los desniveles lo que la fizo perdura. 

En comparanza con otros años: 2009-2010 y 2010-2011, esti añu queríemos conocer un pocu meyor la fastera sur de Picos y pa ello, tocaba caleyar per requexos tan guapos y estensos como'l seutor de la Bermeh.a nel Cornión o les Peñes Cifuentes nos Urrieles. Poro, anque nun teníemos na tiesta'l sufrimientu de grandes canales como Dobresengros o Mueñu, al tener los finales d'etapes más altos nel sur, nun fuimos a pescanciar a les clares lo que nos diba costar aportar a ellos, travesando de norte a sur los macizos.

 
Estos fuimos los entamadores de la Travesera 2011-2012
 
Tamién, como novedá esti añu, dibemos facer dos díes nel macizu del Cornión y tan solo unu nos Urrieles, amestando-y a la travesera, la xatada de percorrelu d'oeste a este nel tercer día, coles patuques ya cargaes de dos díes anteriores. Otra novedá importante yera tener que cargar los 4 díes cola mochila hasta enriba, ya que nun teníemos furgo que nos ficiese la xera del avituallamientu. Echamos de menos a Mariano, que facía esi llabor con tan bon humor, pero más que cola perda de pesu... por tener un pocu d'allegría cuando llegamos dafechu esfondaos nes distintes estayes de la travesera. 
 
Dicir qu'a cambeu, tuviemos la suerte de poder aloxanos nel refuxu de Vegabañu, non masificáu y con duchina d'augua caliente y ya nun dicir na comodidá del hostal de Posada o nel hotel d'Áliva... too hai que dicilo, sufrimos pero llueu descansamos, jeje.
 
Fuimos capaces de xuntanos toos estos

Y como siempre... nesto de les traveseres unos van y otros vienen.... Lesiones, trabayos, vacaciones... quítenmos xente per un llau y per otru nos lu devuelven. Esti añu, tornó al sufrimientu Simón y Carlos nun pudo pol trabayu, Pangua tuvo qu'abandonar nel primer día, Tito debutaba con dos díes y Bittor fizo un día menos de lo normal y César tan solo dos.... pero tuviemos les grates visites de Bea y Josean y de los nuesos collacios cántabros, Juan, Tino y Jóse. 

Al final... quedamos Fernan y yo... qu'echándo-y arguyu y quiciás poca reflexión al asuntu... fuimos a finala nun cuartu día, nel que'l tiempu nun quiso danos un pelín d'aliendu y fizo más penosu'l nuesu andar pel macizu d'Ándara... eso sí... tanto tiempu solos... fízonos tener más que planificada la próxima travesera, jeje.

 
Y acabamos frayaos los de siempre... gracies Fernan
 

Ensín más... dar les gracies a los participantes: Tito, Bittor, Simón, César, Pangua, Bea, Josean, Juan, Tino, Jóse y la norabona a nós... Fernan y Berto, qu'enriba de planificala tenemos el puxu de completala. 

Besarkada bat collaciu A lo caberu, dicir que l'añu que vien... vamos intentar que seya un pelín más humana la travesera y que nun mos dexéis solos nestes aventures tan ceo como esti añu.

Un añu más, vamos dexar unos datos a modo resumen y les correspondientes entraes del blog:  

Estaya 1: 

Pandecarme (Cangues d'Onís) - La Torrezuela - Vegagüerta - Perru - Vegabañu (Sayambre - Llión)  

Duración: 9 h y 20 min 

Llonxitú: 21 km 

Ascensu: 1700 m

Descensu: 1480 m

Estaya 2: 

Vegabañu (Sayambre - Llión) - Perru - Bermeh.a - Bufón - Posada (Valdión - Llión)  

Duración: 8 h y 45 min

Llonxitú: 14,5 km

Ascensu: 1260 m  

Descensu: 1665 m

Estaya 3:

Posada (Valdión - Llión) - Chavida - Frieru - Padiorna - San Luis - Áliva (Lliébana - Cantabria)  

Duración: 11 h y 5 min 

Llonxitú: 20 km 

Ascensu: 2250 m 

Descensu: 1530 m 

Estaya 4: 

Áliva (Lliébana - Cantabria) - Cámara - Lechugales - Siella del Caballu - Ándara - H.itu d'Escarandi(Cabrales) 

Duración: 9 h y 15 min

 Llonxitú: 19,5 km 

Ascensu: 1640 m 

Descensu: 2030 m 

Totales 

Duración: 38 h y 25 min  

Llonxitú: 74 km 

Ascensu: 6850 m 

Descensu: 6705 m 

Más nada, la prósima l'añu que vien.... eso de xuru.

8 comentarios:

  1. Me duelen las piernas todavía al ver esos 6850 metros que nos metimos, con menos metros de altura hubiéramos llegado al Everest¡¡¡¡¡¡.
    La próxima tiene que acabar en fabada, si no,no parece travesera, sino travesura.

    Un abrazu collaciu

    ResponderEliminar
    Respuestas
    1. La próxima Fernan, ya sabes que va ser más humana, pero non por ello menos espectacular, jeje.

      Yo sigo padeciendo un pocu de los pies... esos recalentones nun fueron lo meyor la verdá...

      Un abrazu

      Eliminar
  2. Felicidaes a Fernán y a ti por ser los más gallos de la quintana.

    ResponderEliminar
    Respuestas
    1. Los más gallos y los más frayaos, jeje

      Un abrazu Adivín

      Eliminar
  3. Chapó Berto! menuda travesera!
    Tocasteis los tres macizos, y con buenas cumbres.
    Enhorabuena, por la actividad.
    A ver cuando podemos ver el report
    Un saludo amigo

    ResponderEliminar
    Respuestas
    1. Gracies Monchu.... a ver si voi completando les distintes estayes d'esta travesera.

      Un saludu

      Eliminar
  4. Tito dice:

    Si tuviese más días y tiempo disponible no me perdía ni una.

    Bittor dice:

    Que aprendas a sumar bien que no me cuadran los puntos. Pero me esforzaré en conseguirlos.

    Saludos cordiales.

    ResponderEliminar
    Respuestas
    1. Dalgún añu, podrá facela entera Tito, colos guah.es más grandinos jeje.

      A Bittor di-y que los puntos perfectamente contaos, jeje. Neso nun fallo nin una

      Saludos

      Eliminar