viernes, 14 de mayo de 2010

Carné de conducir ... n'asturiano

A finales, d'abril recibía dempués d'un añín d'espera'l carné de conducir, y como non llegábame caducáu. Asína qu'al fin, renuevu tolo renovable, dende la revisión mélica hasta'l pasu pola DXT, por si tenía traves col nome n'asturiano.

Too foi bien, ensín nengún problema y danme unu provisional hasta que me llegáse'l bono. Esta selmana llégame'l nuevu, y como non, col nome en castellán. Taba demasiáu cansáu de trabayar cuando lu ví, como pa cabreáme, asína que tomélu con tranquilidá, y güei vienres paséme pela DXT de Xixón, pa ver que me cuntaben.

Sorpresa!!! La d'información más gayolera que la hostia, diz que nun hai problema, que me lu camuden ensín más. Voi pa la funcionaria de turnu, y ya pon cara repunante, porque salíase de lo típicu nel so trabayu: formulariu 1, formulariu 2, etc...

Ponse la paisana a rabilar nel ordenador, y como nun saben lo qu'hai que facer, paséase 5 minutos pol chiringu a la gueta dalguien que-y dixera como lu facer, dempués pasa más ratu y como nel ordenador nun yera a facer na, nun sería tan difícil digo yo, garra los archivos de papel y 10 minutos rebuscando, hasta que m'alcontró lo mio.

Si m'entrugáse envede poner cara perru, dabái'l día que lu renové y diba más rápidu, pero non, solo con suspirar ya tenía abondo. El problema ye que yo soi un pinín, y nestos casos suelo dicir: Na, dexalo!! Pero nesto del nome n'asturiano toi emperréau, asína que me digo: "Que se joda y curre!!".

Cuando ya igüa tolos papeles, dame'l carné provisional y lleo Berto Xuan Alcoceba "Rodríguez". Ya tamos, vamos lliala. "Oye que nun ye Rodríguez, ye Rodrigue, sin Z". La paisana pon cara de cagase en too, y diz "pues esto si que va ser un problema". Equí se me inflen los coyones, pero m'aguanto. Problema, que problema anormal, nun ves el DNI, nun hai problema nengún,...

A la que va ponese otra vegada a repetilo too, diz: "Pero quitar la Z es un asturianismo??", y ya colmáu de paciencia, intento non decir na, y lu algamo, asína que la dexo trabayar y me doi la vuelta demientres miro pa la cuerria de funcionarios "trabayando a tope".

Y digo yo, que más te dará que seya Rodríguez, Rodrigues, o Rodrigue, que ye que nun sabes lleer lo que pon nel putu DNI??? Vamos nun me jodas, de xuru, qu'a la retrasada de la princesina nun-y pon pegues porque'l so nome vaya con Z, non?? Pues coño, llee y cállate la puta boca.

A la fin, ponlo tou bien y devúelveme los mios carnés y entrúgo-y: Ya ta tou bien?? Y diz ella: "Eso espero". Eso espero, será borde la tía.

Hala, un pasu más pa la normalización, al menos pa la mía.

4 comentarios:

  1. Mui bien nin, hai que pelealo, sinón van tomanos el pelo tola vida.

    un saludu

    ResponderEliminar
  2. Oye Rodrigue tómate un cafetín pa celebralo.
    Abrázote.

    ResponderEliminar
  3. Ye dura la dictadura del español coles llingües a les que nun mos consideren oficiales. Tamos igual qu'hai 40 años.

    Blogsaludos

    ResponderEliminar
  4. Norabona, Berto.

    ResponderEliminar