martes, 17 de marzo de 2009

Rocódromu de la Pola (Siero)

Sigo con esta nueva esperiencia deportiva, y ca día que pasa toi más engancháu a pesar de la so dureza como deporte. Nun llevaré más d'añu y picu esguilando peles paredes, y bono entamo a garrar puxu, y meyorar téunicamente a la mesma vegada fuerza. Muncho d'ello ye gracies al entrenamientu que me pón la monitora del gym, qu'anque paezca que non, ye un complementu perfeutu pa llueu nel rocódromu poder transmitir la fuerza garrada nel gym a la paré. Da-y les gracies porque se lo ta currando muncho y lo toi notando muncho. 

Agora mesmu, ya soi capaz d'aguantar los 5 díes de la selmana entrenando nel roco, y eso ya ye un bon avance porque enantes nun aguantaba y petaba de brazos pa dir al día siguiente. Hai díes que faigo más otros menos, pero tolos díes voi a colgame per ellí. Aparte, de tou esto, que faigo a diariu nel roco de Llugones, tuve nun fai muncho colos collacios d'entreno nel rocódromu de la Pola Siero, el cúal ya ye un rocódromo n'altor d'unos 7, 5 ms si nun m'equivoco y con dos partes bien dixebraes.

Rocódromu de Pola Siero
 
La que podéis ver na semeya ye la paré más difícil, con simulación de techo y formes d'una paré más real. N'otra parte de la pista polideportiva onde s'alcuentra esti rocódromu hai un bulder similiar a esti, pero con desplome continuu y con muncha menos caída qu'esti que vos amueso. Al final, esti foi la paré qu'escoyimos pa entrenar, y bono fice mis primeres esguilaes n'altor, algamando facer un de les víes propuestes y la otra quedándome a una presa, cola consiguiente caída y acoyone por quedar colgáu d'una cuerda. Nun foi pa tanto, me da a mi que soi demasiáu atrevíu pa estes coses. 
 
En fin, foi una bona esperiencia, y deprender dalgo de nudos pa escalada, arneses, expresses,... y delles caxigalines de los que nun tengo nada d'idega. Seguiré con esti deporte adelante, que ya me tien completamente obcecáu y que sigue dándome munches satisfaciones y lo meyor de too, los niveles de meyoría que s'algamen son mui importantes. Lo prósimo ... camiento que pueu entamar a esguilar pela roca de verdá, a ver que día anímome a ello.

3 comentarios:

  1. Hola Berto estamos agradecidos por los recorridos que habeis colocado en estas paginas. El Jueves Santo 09-04-2009 siguiendo vuestra descripcion subimos al pico Hibeo. Desde el lago que encontrasteis helado subimos al collado oeste y por la cresta a la cima perfectamente.Muchas gracias y no te preocupes por los 28 años que son muy pocos.Me gustaria conocer mas rutas de Asturias para cuando vaya por esa zona poder descubrir nuevos valles y c ollados, en fin Asturias.

    ResponderEliminar
  2. Alégrome un montón de que vos sirviese la entrada del Picu Hibéu, pa conocelo y disfrutar de los sos paisaxes. Esa yera mi intención y que haya xente que se sirva d'ello, dame más ánimu a seguir esplicando les nueses andances pol monte.

    Gracies y un abrazu bizkaino

    ResponderEliminar
  3. Fízome gran illusión la tua respuesta, pues a veces uno no sabe donde se mete, pero veo que yes de fiar.La verdad es que los recorridos que presentas eran algunos de lo que tenía en mente para cuando voy por Colombres.Esta semana santa además de subir al Hibeu el viernes con el frente encima fuimos a Oviedo y entre chubascos subimos al pico Paisano. El sabado cabalgada histórica con la intención de subir a la sierra de Bobias pero la niebla nos obligó a cambiarlo por el Vidrosa y el domingo gran nevada en L'Angliru imposible subir para ir a Gamoniteiru. No te aburro más.Y no te doy ánimos para seguir con tus montes porque veo que tienes suficientes de todas formas te los daré.
    Agur bero bat.Gora Asturies.

    ResponderEliminar