viernes, 2 de enero de 2009

Entamu

¿Quién nun camentó dalguna vegada en camudar el so xeitu de vida?
 

De xuru, que ca pocu tenemos la intención de llevalu a cabo, pero siempre acabamos llevando la nuesa vida, hacia lo que tábemos ya avezáos, y tornamos a repetir los mesmos erros una y otra vegada, ensín parar. Nel mio casu, lo que se volvía a repetir hasta la saciedá, yera la folixa. 

Toles selmanes lo mesmu, trabayar o estudiar pola selmana, naguando porque llegáse'l fin de selmana pa salir de folixa, y siempre col mesmu resultáu, tayada fina, y total pa que, pa tar cagándose en too al día siguiente. Esto yera así de mozu, porque cuando pasen los años, lo de al día siguiente, ye capaz d'allargase hasta los tres díes siguientes, y entos ya preocupa. 

Ya unu, nun se recupera como enantes, y les hores de trabayu faénse penoses, que cuando uno estudiaba aguantaba'l tirón como podía, a base de cafés na biblioteca. A lo que díbemos, esto cuando ya tórnase en vezu, duel, y nun duel solu na tiesta pola resaca, duel nel alma, pol xeitu de vida que se ta llevando, y se supón que más tarde dolerá físicamente, porque tou pasa factura. Eso ta bien nidiu. 

Pues a pesar, de que los años pasen ya inténtase madurar, hasta que nun ties dalgo que te fae camudar de golpe nun suel haber manera. Esto pasóme añu y mediu atrás casi, y bono nesi camín tamos dende entos, menos folixa y más deporte, que ye otra de les mios pasiones. Y esi golpe d'efeutu de fae añu y picu, tendrá les sos consecuencies esti añu, d'ehí que decidiera esti añu, camudar el camín a tomar, cuando ties varies direiciones. 

La direición qu'intento tomar, ye la del deporte y l'aventura, y dexar al llau la folixa, l'alcohol y la vida de la nueche. ¿Sedrá posible? ¿Hai manera de dar una vuelta a la vida que se lleva? Pocu a pocu, lo diré viendo, así qu'equí, nesti cuadernu de bitácora de la mio vida, diré contando tolo que faigo en rellación a mis aficiones: deporte, aventura, música, ... y dalguna cosuca más qu'iré contando.

2 comentarios:

  1. Creo que vas por buen camino.Parece que lo que hace daño es mas fácil de hacer y lo que más cuesta es lo que sienta bien al cuerpo.Buscando rutas de montaña por Asturias he encontrado todas estas historias que cuentas y me recuerdas un poco a mí.Yo vivo en Bizkaia pero suelo ir a Colombres y siempre procuro hacer alguna ruta de montaña.Espero que sigas con el deporte y la montaña.Buena suerte.Gora Asturias.

    ResponderEliminar
  2. Munches gracies pol ánimu, equí seguiré poniendo les rutes que voi faciendo y contando como va esti cambiu de vida.

    Un saludu y gracies pol comentariu

    ResponderEliminar