Ensín más.... una anuncia perimportante del nuesu GM Xuan de la Borrina....
"Como anuncia, avisar que dende la páxina nun se va promociar, per
adelantráu, nenguna de les nueses actividaes, cosa que sí que díbemos
faciendo nos años anteriores.
La razón nun ye otra, que amosar que nun somos un grupu montaña al
usu, y nun ufreciémos la posibilidá de guiyar a naide que quiera
apuntase al traviés de la páxina. Dellos grupos de montaña, anuncien les
sos actividaes en periódicos, col envís de xuntar a más xente y
enllenar autobuses.
Nun ye la manera de pensar que tenemos, ya que llevar a xente
conlleva una responsabilidá, que nun podemos permitinos pagar en forma
de seguros y que nun queremos tener, aparte de la nuesa responsabilidá
con caún de los miembros del grupu, como collacios que somos.
Esto nun quier dicir, que nun aceptemos a más persones nel grupu, ya
que nos últimos años, xente que nun conocíemos, averáronse a nós, por
mail, y foron participes del garrapiellu xente, que somos en Xuan de la
Borrina, xuntándose a nós a posteriori, magar d’agüeyar cuál ye’l nuesu
sentir pa col monte y pa cola vida en xeneral.
La responsabilidá na montaña, ye dalgo que tien que dir dientro de
caún, pa consigo mesmu y pa colos demás que formen parte del to grupu,
por eso, nun somos quien a poné-y preciu en mou de seguru a l’amistá.
Un abrazu xente"
Estoy contigo!
ResponderEliminarGracies Daniel... paecióme importante esti comunicáu, ya que tan poniéndose les coses pelín complexes en temes de seguridá y responsabilidá civil, na montaña.
EliminarComo siempre, envede educar, dedicámonos a prohibir y a lexislar restrictívamente... cola perda de drechos y llibertaes, así que lo meyor... saber con quien nos movemos, jeje
Un abrazu
Ta poniendose el tema interesante dende lo d´esti iviernu en Gredos. Fai un par de selmanes, baxamos d´una ruta por Cabrales y perdieramos a dos collacios que baxaron per otru llau y llegaron casi de nuechi. La comedia yera tomamos los güe*** a mi porque yera l´organizaor y diben encolomame pa Villabona, je, je. Asina, que nun digo na. Nestes coses, val más curase en salú.
ResponderEliminarUn saludu
Pues ya ves, Cienfuegos, jeje. Hai qu'andar con güeyu, nesto de llevar grupos de montaña... que la cosa ta poniéndose pelín peliaguda, jeje
Eliminar